Futuro de Indicativo Rotating Header Image

Xuntanza coas familias, 26 de marzo

Non teñas medos a que rache…

Imos comezar un obradoiro de coiro: imos aprender, imos facer, imos vender e imos pagar do noso peto!!

Igual hai quen perdeu a folla…
Entón… que precisamos traer o día 10 de abril?

un boli
un cutter
unha tesoira forte
unha regra, preferentemente metálica
unha lámina de plástico (ex. carpeta vella), un carton fino (ex. caixa grande de galletas)
unha superficie de corte (ex. tabla de cortar)
un punzón, ou obxecto metálico puntiagudo
cordón, lazo, corda, non moi gordo, do grosor dun cordón dos zapatos… (aproveitade o que atopedes pola casa: reducir, reciclar, reutilizar!!)

Linguaxe audiovisual

Estes días en Futuro de Indicativo comezamos a gravar material de xeito menos informal; para presentarnos os conceptos imprescindibles á hora de gravar, veu Inés Dosil, de Muros, licenciada en audiovisuais, e deixounos esta interesante presentación:

A universidade dos pés descalzos

A Fala de Estremadura

OS LINGÜISTAS RELACIÓNANA MAIORITARIAMENTE CO GALEGO

Para moitos é descoñecido que os galegos que participaron na repoboación peninsular a partir do século XII deixaron a súa impronta nas zonas onde se asentaron. Así ocorreu no Val de Xálima, onde tres aldeas -As Ellas, San Martín de Trebello e Valverde do Fresno-, como tres aldeas “galas”, resistiron á presión lingüística do castelán durante séculos e mantiveron a transmisión xeracional da súa fala. Esta leva nome diferente segundo o falante sexa dun ou outro concello: mañego -mañegu- (San Martín de Trebellu), valverdeirovalverdeiru- Valverde do Fresnu e lagarteirolagarteiru– nas Ellas, pero todas teñen unha enorme proximidade lingüística.

Podedes ver nesta ligazón un breve vídeo para ir abrindo boca antes da excursión:

Granadilla: recuperando un pobo

Esta semana comunicáronnos que aceptan o noso proxecto no Programa de recuperación educativa de pobos abandonados!!! Deixámosvos aquí o folleto que nos enviaron, botade un vistazo para achegarnos algo á realidade do que imos ver. Claro está, hai que engadir todo o que se suma de convivir con xente descoñecida: veredes como algún volve chorando!! 😉

Soberanía alimentaria e CachoHorta

O pasado luns 27 de febreiro veu a Futuro de Indicativo-Profes a ex-presidenta do Sindicato Labrego Galego, Lidia Senra. Mantivemos con ela un interesantísimo coloquio no que se falou de temas particulares, como a nosa inminente Cacho-horta, e outros fundamentais na economía de actualidade, como o dumping ou a soberanía alimentaria, conceptos que tomaron gran relevancia dende que en 1996 se celebrara o Cumio Mundial da Alimentación da Organización para a Alimentación e a Agricultura (FAO).

Enténdese soberanía alimentaria a facultade de cada Estado para definir as súas propias políticas agrarias e alimentarias de acordo con obxectivos de desenvolvemento sostible e seguridade alimentaria. Deste xeito, apélase á responsabilidade de cada goberno de coidar a calidade dos seus produtos agrícolas, tanto por ben dos produtores (xerando un mercado local sostible) como dos cidadáns (garantindo a calidade dos produtos consumibles).

A definición que este principio obtivo no Foro de 2002 de Roma foi: “A soberanía alimentaria é o DEREITO dos pobos, comunidades e países a definir a súas propias políticas agrícolas, pesqueiras, alimentarias e de terra que sexan ecolóxica, social, económica e culturalmente apropiadas ás súas circunstancias únicas. Isto inclúe o verdadeiro dereito á alimentación e a producir os alimentos, o que significa que todos os pobos teñen o dereito a unha alimentación sa, nutritiva e culturalmente apropiada, e á capacidade para manterse a sí mesmos e ás súas sociedades.”

Dentro destas reivindicacións toma especial interés o concepto do dumping, proceso polo cal un país prima a exportación dun produto a prezos inferiores ós costes reais da súa produción. Seguramente algunha vez escoitastes ás vosas familias dicir que non podían mercar tomates de Pepa, de Cabo de Cruz, pois ían a 2.05€, mentres no Mercadona valen 1.80€ o kilo. Realmente credes que se pode vender tan barato un produto de calidade? só a costa de sobreexplotar a terra (pesticidas, abonos químicos) e ós traballadores (xornadas de 18 horas diarias, sen seguro médico nin dereitos laborais de ningún tipo).

Nun eido máis próximo, comezamos a planificar a nosa Cacho-horta, que ocupará un pequeno espacio na zona Sur da terra da Cachada, e que será xestionada dende o Departamento de Bioloxía. Pensamos en facer unhas I Xornadas da CachoHorta, nas cales convidariamos a toda a comunidade educativa para a plantación. Necesitamos a un coordinador boirense da horta, e parece que se ofrece o avó de Lidia Pardeiro (3ºB), non é? 😉

Déixovos aquí un link a un calendario de cultivos elaborado por EcoGalego, portal galego de ecoloxía moi vinculado á profe Cris…

 

Pecha Kucha en Boiro, 9 de febreiro na ABE. Adrián informa

O pasado xoves 9 de febreiro tivo lugar na ABE de Boiro un acto de Pecha Kucha ó que asistitu o noso reporteiro Adrián Gatbabche; aquí vos deixo o artigo que redactou. Parabéns por ese espíritu curioso, Adrián!!

O pasado xoves 9 de febreiro, tivo lugar na ABE (asociación boirense de empresarios) un proxecto pioneiro no mundo empresarial. Este proxecto chamado “Pucha Kucha”, tivo lugar en Xapón e consiste en explicar 20 imaxes cada unha durante 20 segundos. Cada empresario tivo que presentar a súa empresa desta forma. Neste evento participaron 6 empresas:
– Agalcari (asociación galega de carpinteiros de ribeira)
– Sonaxe (produtora de música)
– Espacio invisible (studio de diseño)
– Rotogal S.L
– Sargadelos
– Lou (conserveira)

Cada unha destas empresas falounos dos seus métodos de traballo, ideas e principios.
Agalcari:
Esta empresa ten moito en conta o respecto medioambiental e fálanos de termos como: sustentabilidade, ecoconcepción e econavegación tamén di que a madeira vai a ser o produto por exelencia do futuro.
Sonaxe:
Sonaxe no seu inicio foi unha empresa creada por dúas mulleres e unha forma de autoemprego. Esta empresa traballa coa escola de música de boiro. Esta empresa é unha cooperativa que é xestionada democraticamente. Esta empresa fai moitos obradoiros para xente maior xa que a música pode axudar a curar algunhas enfermidades. Teñen en mente un proxecto que é facer en Galicia unha rede de escolas musicais.
Espacio invisible:
Esta empresa traballa moito facendo moblería con aparencias e formas  típicas do mar. Usan materiais relacionados coa pesca e tamén reciclan algas para facer moblería.

Unha frase que pode definir a esta empresa é:

Deseño+produción autóctona+reciclaxe = posibilidades

Rotogal S.L:

Esta empresa traballa sempre buscando a innovación industrial. A súa produción e calidade é tal que exportan a 18 países. A súa produción baséase moito no seu entorno. Levaron a cabo un proxecto dun contedores de curación de molusco máis prácticos e mais pequenos tendo a mesma funcionalidade e isto fai que sexan mais  económicos coas que se solen usar.

Sargadelos:

Sargadelos traballa sempre mirando pola cultura, arte, economía e a tradición. Esta empresa traballa coa porcelana, a literatura e con actividades culturais. Sargadelos ten a mellor porcelana do mundo e en cambio a outras empresas a fabricación da súa porcelana faise en España e iso dálle moito valor engadido. Tamén crean por encargo podendo personalizar pezas.

Lou:

Esta empresa sempre está buscando a innovación para poder competir cos grandes como por exemplo, foi a primeira conserveira en España e comercializar con algas e a terceira con orizos. Tamén veu compatible a comercialización de castañas en lata xa que tiña moitos castiñeiros. Os seus traballadores fan moitos dos procesos á man,  como por exemplo: A extracción de materia prima.

Campus eduEmprende

O pasado martes 31 de xaneiro visitamos a Ulloa a coñecer tres exemplares empresas que aúnan conceptos que nos interesan: sostibilidade social e económica, respecto ó medioambiente, creatividade:

  • Granxa Maruxa, que pón música ás súas vacas e fai as mellores galletas de nata do mundo
  • Ovos Pazo Vilane, ou 30 000 galiñas que campan ó seu aire polas leiras da Ulloa
  • Arqueixal ecoagroturismo, complexo rural onde se poden degustar produtos lácteos ecolóxicos en vivendas construídas baixo criterios bioclimáticos
Para isto, Fátima e María de Promove Consultora e Eva de Gimena Ingeniería déronnos unhas clases previas de preparación (podes ver a presentación que fixeron na aula) e propuxéronnos un modelo de cuestionarios que levar ás empresas; Fungo gravou un documental que proximamente penduraremos. Todo isto formou parte dun proxecto financiado por BIC Galicia (Consellería de Economía e Industria) e xestionado por Promove Consultora.
Proximamente teremos a reportaxe das nosas avezadas xornalistas; ata entón, deixámosvos unha galería de imaxes da visita. A avaliación, unánime: fantástica e enriquecedora experiencia!!

 

Dereito ao delirio, outro texto de Galeano